REDE DA IDENTIDADE CULTURAL GALEGA DO VICEDO

A Rede da Identidade Cultural Galega atópase ubicado dentro dun terreo anexo ás instalacións do Teatro das Cortes, (antigas cortes de vacas). A iniciativa xéstase ao abeiro da colaboración do proxecto Galicia latente, a Asociación Volta e Dálle e o propio Teatro das Cortes. Así mesmo conta coa colaboración de máis de 40 entidades, sociais, públicas e culturais.

A temática centrada na divulgación da identidade cultural galega, xunto coa súa contextualización nunha pradeira, convirten esta achega nunha singularidade onde o valor é a simbiose da cultura e natureza (con horizonte, un espazo activo, sen paredes e libre de orzamentos limitantes). O lugar componse de 3 exposicións que reflicten diferentes realidades do acontecer da cultura galega. A exposición central componse dunha instalación permanente configurada por 30 imaxes-realidades da Galicia comtemporánea. A innovación da cultura galega está disposta nunha carpa de exposicións temporais con diferentes temáticas e monografías. Unha terceira área interactiva alenta ás persoas visitantes a participar nunha votación de valores para un estudo sobre o enriquecemento identitario.